Damondas frequentas
Bugen dein nus cuortamein risposta allas damondas pli frequentas. Ellas sedrezzan allas suprastonzas dallas pleivs, allas persunas ella pastoraziun, allas organistas ed organists, sco era ad autras persunas interessadas. Per sclarir ulteriuras damondas saveis s’annunziar tier ils meinaproject via formular.
Gie, ina tala gliesta ei en preparaziun. Ella indichescha tgei canzuns ord ils vegls canzunaris ch’ein d’anflar el niev cudisch e sut tgei numra ch’ellas secattan. La gliesta vegn a star a disposiziun sin questa pagina.
Il cudisch mantegn vivas bia canzuns tradiziunalas romontschas. El cuntegn plinavon texts e melodias d’origin romontsch e porscha era canzuns modernas en nies lungatg.
Ei setracta dad in’ecumena cumplementara. Sper il fetg grond diember da canzuns che satisfan ad omisduas tradiziuns confessiunalas, ein era canzuns confessiunalas representadas el niev cudisch.
Il prezi da vendita vegn tenius oreifer bass. Perquei ei il project dependents da sustegn finanzials da differentas instituziuns ecclesiasticas e profanas.
El vegn stampaus el format da 11.4 x 16.4 cm. Quei corrispunda pli u meins al format dils cudischs precedents. Il cudisch d’orgla vegn stampaus el format dad A4 horizontal.
Il niev cudisch porscha in repertori actualisau per il cant religius en nossas cuminonzas cristianas. Il cudisch ei in ferm agid e sustegn per organists e persunas dalla pastoriaziun.
Gie, quei ei ina dallas grondas novaziuns che mintga canzun e mintga chorals cuntegn in’intunaziun per l’orgla.
Gie, el presenta las structuras dallas differentas liturgias dad omisduas confessiuns.
Gie, igl Alleluja ei exausts dapi plirs onns e las Canzuns choralas ein dapi 55 onns buc vegnidas surluvradas. Plinavon han las canzuns ed ils chorals entochen uss neginas intunaziuns cumponidas.
Il cudisch porta il num «clom». Ina gruppa da dunnas – schiglioc savens sutrepresentadas el cant ecclesiastic – ha eligiu quei num cun profunda muntada. El vegn cumpletaus cul suttetel cudisch da cant ecumen per las baselgias dalla Sur- e Sutselva.
Il niev cudisch da cant cumpeglia in grond diember da canzuns ord ils cudischs precedents, pia ord igl Alleluja, las Canzuns choralas ed il Selegra. Quellas canzuns ein vegnidas cumpletadas cun autras canzuns enconuschentas ed entginas tuttafatg novas.
Il cudisch vegn edius communablamein dil Decanat Sursilvan e dalla Fundaziun Anton Cadonau. La lavur da redacziun e preparaziun dil cudisch fan Andri Casanova e Jan-Andrea Bernhard ensemen cun differentas gruppas e persunas.
Gie, il niev cudisch cuntegn bia canzuns ch’ein adattadas per affons, canzuns modernas sco era tradiziunalas. Plinavon dattan las liturgias e singulas oraziuns la pusseivladad da s’avischinar als survetschs divins.
El secumpona da sis parts principalas:
- laud a Diu
- artg dil di
- artg dalla dumengia
- artg digl onn
- artg dalla veta
- reginavel da Diu
- laud a Diu
- artg dil di
- artg dalla dumengia
- artg digl onn
- artg dalla veta
- reginavel da Diu
Il cudisch vegn en vendita igl onn 2024. Sco emprem sa il cudisch d’orgla vegnir cumpraus.