Dau ureglia al clom (La Quotidiana)

Mintga cudisch ha in tetel, e cun quel san ins identificar tematica e cuntegn. Seigi lu in roman, in cudisch dil fatg, da scola, da cuschinar ni auter. En connex cul cant da baselgia en Surselva enconuschan ins generalmein dus tetels: igl Alleluja ella baselgia catolica, ed il Cudisch da chorals ella reformada. Omisdus han liunga tradiziun ed influenza ella cultura da cant. Gl’onn proxim vegnan quels dus tetels uni. Il Decanat Surselva e la Fundaziun Cadonau pil romontsch en baselgia ein vidlunder da scaffir in canzunari ecumen. Ils meinaproject ser Jan-Andrea Bernhard ed Andri Casanova han presentau il stan dallas lavurs. Gia 6'000 exemplars dil niev canzunari cul tetel «Clom» ein empustai. (fmr, Augustin Beeli)